ممنوع دخول الزملكاويه"علشان مصلحتهم

انا قلت من الاول ممنوع دخول الزملكوية وده لمصلحتهم

ومش عايزه حد يزعل مني ده مجرد هزار خفيف

وفي الاول نقول كام نكتة كده عالماشي

بيقولوا هيشيلو شبكة فودافون وموبينيل واتصالات عارفين ليه؟
شبكة الزمالك بتشيل اكتر
مرة واحد اهلاوي وواحد زملكاوي .. كانوا الاتنين جيران وساكنين في بيت واحد
الاهلاوى ساكن فى الدور الارضى .. والزملكاوى فى الدور التاني
فكل اما الزملكاوى ييجى طالع .. الاهلاوى يقول مين اللى طالع؟
الزملكاوى يقول انا الزملكاوى .. يقوله الاهلاوى غلبناكم ستة واحد 6/1
الزملكاوى ييجى نازل .. يقول الاهلاوى مين اللى نازل
الزملكاوى يقول انا الزملكاوى .. يقوله الاهلاوى غلبناكم ستة واحد6/1
مرة فى مرة فى مرة زهق الزملكاوى وقال كدة مش هينفع لازم اشوف حل
راح لاتحاد الكورة .. وحكلهم على الموضوع
واتفقوا .. ان الزملكاوى يسكن ارضى .. والاهلاوى يسكن دور تانى .. فأتفقوا ووافقوا
وفى يوم الاهلاوى طالع .. قال الزملكاوى مين اللى طالع
رد الاهلاوى وقال مين اللى بيتكلم .. قاله انا الزملكاوي
قالهه برضه غلبناكم ستة واحد

ايه الفرق بين الزمالك وبرت بلس
برت بلس 3 × 1 لكن الزمالك 3 × عبد الواحد

اهلاوي دخل علي زملكاوي المستشفي لقاه تعبان جدا قاله معلش يا صاحبي ستة وتزول

*********************

مواصفات بعض لاعبى الزمالك:-
مميزات شبكة عبد المنصف GSM:
Vibration على طول

أقوى إستقبال – يتم الإستقبال عن طريق 11 إيريال متحرك

خاصية التجوال - إستقبال الأجوال من أى مكان فى العالم

Goal waiting - إمكانية إستقبال أكثر من هدف فى نفس الوقت (واسألوا أسامه حسنى)

أنظمة الشحن المتاحه:

نظام ألو عبد المنصف – إتكلم براحتك و امسك الهوا

نظام بشير التابعى – نظام ال 6-1 إشحن مرة تاخد 6 مجانا

نظام مرتضى منصور – اللى مش حيشحن حيتضرب و انا عندى مستندات

انواع الزمالكويه:-

النوع الاول : وراثة

النوع الثاني : خالف تعرف

النوع الثالث : بالصدفة

النوع الاول :وراثة

وهم الزمالكوية الذين ولدوا في بيئة زمالكوية أو وسط زمالكاوي ... يعني ناس اتولدوا على الفطرة زي كل البشر أهلاوية ... ولكن لأن الوالد زملكاوي فتزملك هذا الطفل البرئ وتحول إلى زمالكاوي ...

إذا فإن هذا النوع من الزملكوية كانوا أطفالا أبرياء ولكن الكارثة الكبرى أن والديه هم الذين جنوا عليه وزملكوه فخرج هذا البرئ إلى الحياه ليصطدم بالحقيقة المرة وهي مصائب وكوارث الزمالك وبلاويه ومشاكله التي لا تنتهي .. فماذا يفعل هذا الطفل الصغير البرئ والمجني عليه وبراءة الأطفال في عينيه وكيف يواجه تلك الكوارث الزملكوية الدائمة والمستمرة بإذن الله .. يفعل ما يفعله كل الزملكويه الآن من الكذب المتواصل وإذا واجهتهم بالحقيقة يجادلون ويجادلون .... تقدم لهم الأدلة والبراهين يراوغون ويتهربون ويدورون حول جوهر الموضوع ولكن دون أن يقتربوا منه .. ومش عارف ليه افتكرت فيلم : " أنا لاأكذب ولكني أتجمل "

النوع الثاني : خالف تعرف

شخصية مريضة بالفطرة ...

" عيب خلقي "

ونسبتها أقل من نسبة النوع الوراثي .. ويعيش هذا النوع وللأسف وسط بيئة نظيفة من الأهلاوية حيث تجد أسرة بالكامل أو ربما عائلة بكاملها من الأهلوية وربما تكون قبيلة بالكامل من الأهلوية ويخرج منها شخص زملكاوي من النوع " خالف تعرف " إلا أن الله سبحانه وتعالى له في ذلك حكم واللهم لا اعتراض ... انهم مرض مثل كل الأمراض المستعصية ... إلا أن الاطباء أكدوا أن هذا النوع يأتي نتيجة " جينات متنحية " من النادر ظهورها والحمد لله ... وربما بمرور الوقت ينقرض هذا النوع

النوع الثالث : بالصدفة

وهذا النوع الزملكاوي هو الثاني من حيث الكمية بعد النوع الوراثي

وهذا النوع "بالصدفة" يظهر وسط مصادفة عجيبة يكون فيها الميكروب الزملكاوي في حالة فوز أو نصر زملكاوي وبالصدفة يكون هذا الزملكاوي في مرحلة الخروج من الشرنقة ويبدأ بتشجيع الكورة فيرى أمامه فوزا زملكاويا فيتزملك المريض خصوصا وأنه في مرحلة نمو ولم يصل بعد لمرحلة النضج فيصاب بالميكروب الزملكاوي وينضم إلى هذا النوع الذي يفسره الأطباء بالطفرة البيئية وهي التي تحدث نتيجة تغيرات بيئية مفاجئة نادرا ماتحدث مثل قنبلة هيروشيما أو فوز الزمالك بالدوري.

الصفات المشتركة بين الانواع الثلاثة

1-أنهم مرضى نفسيين

2-عناصر تكوين الشخصية غير متجانسة وهذا سبب عقدة النقص المركب عندهم

3- السبب الثالث وهو أهم الاسباب أنهم يضعون أنفسهم في مقارنة مع الاهلي رغم عدم التكافؤ

طرق العلاج

1-محاولة اقناعهم بأن الزمالك درجة تانية

إلا أن نسبة النجاح 1% نظرا لاستفحال المرض وتغلغله في جميع أجزاء الجسم

2-أن يتحول الزملكوية إلى أهلوية وأكد الاطباء أن هناك خطرا كبيرا من هذه المحاولة لأن الزمالكوية بعقلهم الباطن يتمنون أن يكونوا أهلاوية وهذه الطريقة من الممكن أن تأتي بنتيجة عكسية تؤدي بهم الى الاضطراب العقلي.

3-تستطيع إدارة الزمالك التفوق على الاهلي لمدة 30 سنة متواصلة لإحداث نوع من التوازن وهذا من رابع المستحيلات.

4-أن يتم شطب نادي الزمالك وتحويله إلى موقف سيارات

وزي ما قلت في الاول ده مجرد هزار ومحدش يزعل مني

واللي خايف يروح

هههههههههههههههههههههههه
انتي اخرتك على ايد واحد زملكاوي

هههههههههههه
انا حاسه كده بردو ربنا يستر عليا

هههههههههههههه ده لو حسام وابراهيم شافوكم هيقطعوكو

ههههههههه
لا يا عم الا حسام وابراهيم الواحد مش ناقص بهدله وطوله لسان

» زكى بدر: طلاب مدارس الإسكندرية يتظاهرون "علشان ولاد ناس كبار"
» اتعلمى دخول المطبخ معانا وكله بالصور
» "بدر" يفشل فى دخول ديوان "التعليم" بسبب مظاهرات الموظفين
» تعتذر ميس مي عن دخول الموقع اليوم (( ربنا يشفيكي يارب )) ... هااااام