جلست والخوف بعينيها تتأمل فى حال التعليم

قالت ياولدى لاتحزن طول ماأنت موظف على قدك وفى جيبك حفنه ملاليم

وولادك أحمد وحماده وسميره ونرجس وفهيم

عايزين اللقمه والهدمه وعلاج مع حقنه تطعيم

ومذاكره ودروس خصوصيه من كى جى لحد الكليه

وده كله ممكن يدبر ومحتاجله شويه تنظيم

فكرت ودبرت كثيرا .....

لكنى لم أقرأ أبدا فى اى جريده مصريه

ان فيه مستر ممكن يشرح من غير مايقفش نقديه

ياولدى قد قال وزيرا

سأجوب مدارس الثانوى والأعدادى وكمان الأبتدائيه

وراح أدخل كل فصول العلم فى الصبح وساعه الضهريه

وسأحدث ثوره مدرسيه بأساليب مدروسه وعلميه

ياولدى قد مات شهيدا

من مات مدينا لمدرس بيدرس كيميا وفيزيا ولغه أنجليزيه

وستعرف بعد مرور العمر بأن الحدوته خرافيه