اللحمه البتلو بصلصة الطماطم

السلام عليكم ورحمة الله وبركاته

الناس كلها بتاكل اللحمه محمرة مسلوقه مشويه
مافيش تغيير خاااااااااااااالص

طيب ايه رأيكوا نغير طعم اللحمة شويه وبطريقه سهلة جدا
وموش مكلفه

هانعمل لحمة بتلو بصلصة الطماطم

المقادير:-
8 شرائح لحم بتلو
3 معلقة زيت عباد شمس
5 حبات طماطم متوسطه
1 معلقه كبيرة معجون طماطم
3/4 فصوص توم مدقوق
1 معلقه كبيره بقدونس مفروم
2 معلقه صغيرة زعتر
1 مكعب مرقة لحم

وملح وفلفل

الطريقه بقى

تقشرى الطماطم ونشيلى البذر منها وتعصريها فى االخلاط وندوب معجون الطماطم فى كوب ماء
نسخن الزيت فى طاسه كبيرة على نار متوسطه ونضيف شرائح البتلو ونحمرها كويس على الناحيتين
نضيف التوم ومكعب المرقه والطماطم المعصورة والمعجون بتاع الطماطم ونغطى الطاسه ونخفض الحرارة لمدة 20-25 دقيقه
ونضيف الماء لو احتاج الامر
نضيف الملح والفلفل ويستمر الطهو حتى ينضج اللحم ونقدمها فورا فى طبق التقديم ويكون مسطح ونرش عليه البقدونس

وبالهنا والشفا

لا فعلا مش مكلفه دى لحمه
على العموم هبفى اجربها وقولك

ههههههههههههههه
انا اقصد ان كفايه اللحمه غاليه
لكن باقى المكونات متوفرة فى البيت
يعنى موش هاتشترى مخصوص حاجه
مكلفه

طيب واحنا هنقضيها كلام بس عاوزين حقيقى

ايه ياعم انت على طول مورطنى كده
المرتب كده يخلص على اكلك

ياعم ولا يهمك كله فداء الوطن

ايون صح
مانت الشرطه
والشرطه فى توريط الشعب
تحت امرك يا نجم

لا يا شيخه

اه فعلا

طيب يا ستى

ماشى يا سي دى

سى دى اسطوانه طيب

اه اسطوانه
وبطل تنطلى فى كل اكله وتدبسنى فيها
الميزانيه لا تحتمل
وانت بتدخل فى التيقل كله

طيب يا ستى

قوم بقا وسع مكان لغيرك
خلى الناس تاكل

انا قايم وموش راجه تانى ناس بخيله وجلده

جلده بتاعت حنفيه

ثانكس

» انخفاض أسعار الخضروات.. وكيلو الطماطم يتراجع إلى ٢ جنيه