مشرفه مخنوقه من نفسها

انتبهولي كده وصحصحوا الساعة دلوقتي 07.05 مساء
ولسه مانامت بسببوا
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش عاد يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا
دا اللي ناقص كمان
اما انا مسكت الاشراف هنا ليه
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين والنبي
كل شوية موضوع مخالف ومتكرر وبلاوي زرقة
هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
هغوزه
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل

انتى يابلوة الله يخرب بيتك
ايه اللى انتى جايباه ده
قال مافيش مواضيع ولا ردود
والله لاوريكى
اللى موش هاينزل موضوعين اربعه خمسه سته فى اليوم
والله لاوريه
وانا نائبه المدير
واللى موش هايسمع كلامى
هاشطب عضويته
واللى بيصغر بعينه ده
عارفاه
لسه ماسك الاشراف جديد
ماتفتكرش انى هاسيبك
والله لاوريك لو مانزلت مواضيع
وكل واحد بقا عارف نفسه
جاتكو الهم
شلتونى وانا مشلوله خلقه

احمممممممممم احمممممممممممم

منور يا خويا
اهواللى بيصغر بعينو شرف
كويس انك عملت بالنصيحه ونزلت موضوعات
انا كده احبك واحطك فى عنيى وارقيك كمان

يا سلام انتى تؤمرى يا مس

الامر لله يادرش
ايون كده شكلنا هانعمل بيزنس مع بعض
قريباااااااااااااااا بالاسواق

نعمل بيزنس هو احنا قليلن ع كده يعنى

» تايوانية تتزوج نفسها