ازاى تعرف انك فى فرح مصرى

ازاى تعرف انك في فرح مصري

عندما ترى الزفة الدمياطي الأزلية
" وبسم الله الرحمن الرحيم و هنبدأ الليلة "
(على رأى المغنى ...يبقى انت أكيد فى مصر)


*عندما تجد النساء "ينمون" على العروسة قائلين عبارات مثل
"أنا عارفة ياختي أخدها على أيه " او " فستانها بيئة قوي ". (وتلاقى اللى بتتكلم دى لابسة جلابية بالتقسيط)


*عندما تكون أغنية هشام عباس "أسماء الله الحسنى "
هي أول شئ تسمعه عند الدخول للقاعة .
(أولها اغانى اسلامية وبعدين اغانى .... )


* عندما " يزوم " المصور على الشبكة و كأنها قلادة التايتانك الماسية ..و تجد المدعوين
" هيموتواو يتفرجوا عليها
(قال ايه اول مرة يشوفوا شبكة عروسة)


*عندما يرقص العروسان رقصتهما الأولى
الرومانسية وكل البشر بيصوروهم
بكاميرا الموبيل قائلين
" يا ترى بيقولها أيه ؟" (ياه على الفضول)


*عندما تسمع أغنية "هتجوز " لسعد الصغير .


*عندما تأتي أم العريس كل نصف ساعة و تمسح عرقه قائله
" يابني مش كدة , متهدش نفسك ". (شوف حنان الام)


*عنما تسمع السؤال السرمدي
"هو البوفيه هيبدأ إمتى … الواحد جاع "
" هما مش هيعشونا ولا ايه "


*عندما يعرض الفيلم التسجيلي البوفيه وما يحتويه
من لحوم و فراخ وأور و ديوك رومي.


*عندما تسمع
" بس الأكل مكنش قد كده"
بعد تناول الطعام مباشرة .


وعلى رأي المثل
" بعد ما أكل و إتكى قال رحته مستكة ".


* عندما تقول أم العروسة للعريس
" خلى بالك منها "
فيجيب
"دي في عنيا يا طنط ".


*عندما تنطلق الزفة مسببة الإزعاج لخلق الله
و بييب بييببييب بييب بييب .



حينها فقط ستعلم جيدا انك في فرح مصري