يروى عن أبي سعيد عن النبي صلى الله عليه وسلم أنه قال : ((إن
الرجل إذا نظر إلى امرأته ونظرت إليه نظر الله إليهما نظرة رحمة فإذا أخذ بكفها تساقطت ذنوبهما من خلال أصابعهما ))
الموده والرحمه والحب ممكن يكون سبيلنا لطاعه ربنا
ممكن من مسكه ايد لزوجتك او زوجك تتساقط ذنوبك
ايوه
سبحان الله
حتى الاحساس الجميل والمشاعر الجميله ربنا بيدينا ثواب عليها
جدد حبك مع حبيبتك
طبعا الموضوع ده للمتزوجين يعني مش اتنين كده كده يعني
ويقولوا ياللا ناخد ثواب هههههههههه
المهم يعني اللي عايزه اوصله اني بشوف كتير
او بسمع ان الانسان مع الايام والوقت بتلاقيه خلاص
خلص الكام حبه حب اللي كان محوشهم وبقت الحياه روتينيه
طب ليه ؟؟؟
دعوه لتجديد الحب
ايه رأيك مثلا النهارده تروح لمراتك او انتي تروحي لجوزك كده
وتمسكي ايده برقه وتقوليله وحشتني وتبصيله بصه كده كلها رومانسيه وحنان
وهو رايح الشغل مثلا تقوليله هتوحشني متتأخرش عليه هستناك لحد ماترجع
وهو خلاص بيفتح الباب تناديله
وتقوليله هتوحشني
وهو راجع بلاش لو في مشكله تحكيها
اصبري لحد ماياكل ويرتاح من الشغل
وبعدين براحه كده قوليله
في حاجه عايزه اقولها بس اوعدني متزعلش نفسك
وابدأي قولي المشكله براحه وانتي متأثره وف نفس الوقت
قوليله حبيبي حصل كذا
ياعمري والله معرفش حصل كده ازاي
يعني بلاش تناديه باسمه ولا تتكلمي بصوت عالي
خليكي هاديه وحنينه كده عشان مايطفش
وحاولي تهوني عليه مشاكله وتقفي جنبه وتكوني زوجه مخلصه وجدعه معاه
خليه يشوف منك جوانب كتيره
يعني الطفله الدلوعه
يعني مثلا قوليله
انت جوز وحش مش بحبك
وادلعي كده
وهو خارج قوليله هاتلي مصاصتين
ولما يرجع كلوها سوا
وشوفو لسان مين بقى الاحمر
خليه قاعد وروحي اجري عليه وقوليله
انا خايفه وخليه ياخدك في حضنه
وابدأي قوليله انا بحس بالامان وياك
انت كل حاجه في حياتي انت كل دنيتي انا مليش غيرك
انا لو مكنتش اتجوزتك مكنتش هتمني حد غيرك
في قصه كنت سمعتها من معيده عندي عن زوج ليها بيعاملها وحش جدااااااااا
المهم راحت لشيخ يعملها عمل يحبها وكده
فقلها عشان اعملك العمل ده
روحي هاتي من الاسد شعره
المهم فعلا
بدأت تروض الاسد ومره تحطله اكل
تطبطب عليه
تلعب معاه
وبعد كام شهر راحت للشيخ ومعاها الشعره
وبتقوله اهي الشعره اعملي العمل
قالها بقى عرفتي تروضي اسد ومش عارفه تروضي جوزك
روحي اعملي معاه زي ماعملتي مع الاسد
المهم ياجماعه بجد بلاش نضيع كل حاجه جميله بسبب الروتين
وبسبب الملل
جدد حبك مع حبيبك وصدقني هتلاقي الدنيا حلوه
واحلى حاجه بقى لما تجدد حبك ده في وسط زحمه الحياه والغلاء
بجد الواحد اي كلمه بسيطه بترضيه
نظره حنان بس بترضيه وبتهون عليه حاجات كتير
حافظي على جوزك ليطفش منك
وانت حافظ على مراتك لتمل منك وتدور على اي كلمه حلوه تسمعها من بره
في معاكسه في نظره ليها في اي حاجه
خليها تمشي مش بتسمع ولا بتشوف غيرك
ساعدي جوزك في شغله وف حياته حتى لو مش هتعملي حاجه
اسأليه عملت ايه النهارده
واهم من كل ده لو جوزك شغله في احتكاك ببنات وكده
فصاحبيه خليه يحكيلك ايه اللي بيحصل
ولو حصل اي حاجه فيها تجاوز
متتخانقيش معاه اسمعيه وبعدين قوليله انا عارفه انك بتحبني انا وبس
وانا بثق فيك ياحبيبي بس مخصماك
وخديها منه بدلال وصححي خطأ عمله باسلوب رقيق منك
وخليه يحبك اكتر
خليه يشوف فيكي جوانب كتيره يعني الموقف ده محتاج منك تكوني زي امه
تاخده في حضنها وتطبطب عليه
وتقوله متعملش كده تاني بس بالحنان
خليكي زوجه في الامور اللي تتطلب ذلك
واخته لما يحب يفضفض معاها
وصاحبته اللي بيحب يشوفها وبيرتاحلها
بلاش يشوفك كل يوم بالجلبيه والايشارب
طول اليوم
دلعي جوزك عل الاخر وحسسيه انه بابي صغير
بس مش على طول
لان الراجل مابيحبش كده كتير
يعني وقت الدلع بس يعني متفقديهوش اهم صفه فيه وهو الرجوله
خليكي انيقه ولو بابسط ماتملكين من ملابس
بتسريحه حلوه كده
ضفيره حلوه على جنب
مره تسيبيه ورا ظهرك
وحتى لو لبستي ايشارب
البسيه بطريقه لذيذه
غيري من نفسك
اعملي مره بنت صغيره بكل دلعها
مره بنوته روشه كده والبسي عل الموضه
مره بنت بلد وجلبيه بقى
على قد ماتقدري غيري من شكلك واسلوبك
اعمليله الحاجه اللي بيحبها مش اللي انتي بتحبيها
الريحه بقى
الراجل مبينساش اي ريحه وحشه ابدا بيشمها فيكي
والست كمان على فكره
فخلي دايما الاسبريه والبرفنات من الاساسيات في حياتك
زي الملح والسكر في المطبخ كده
سنانك بقى مهمه جدا تغسليها وريحه الفم
الاكل بقى دي مشكله عند اي راجل
ظبطي اكل كويس كده يشيلك فوق دماغه
عكس كده انتي ادري بقى
خلي جمالك كبنت يظهر في طريقه تقديمك للاكل
اعملي الطمطمايه على شكل ورده وحطيها فوق الرز او على الجنب
عود بقدونس على جنب كده
حافظي على نفسك وجمالك مهما طال بيكي العمر ومهما كنتي
ده " أ ب " سعاده هي الراحه
ياللا طولت عليكو مستنيه تعليقاتكو واضافتكو للموضوع
ههههههه ده كان اول الجواز عامه مستنيه تعليقاتكو بردو
الرئيسية 
التسجيل 
موضوع: دعوه لتجديد حياه زوجيه اصابها الملل 
