اسفين يا ريس

موضوع: اسفين يا ريس الخميس فبراير 03, 2011 9:45 pm

انطبق عليان في الماضي قول الله تعالي استخف قومه فأطاعوه وفقنا من غفلتنا ايام قلائل جدا وبها نصرنا الله تعالي والان نعود كما كنا وهذا لان الرئيس القي خطابا نسينا به كل ما عانيناه 30 سنة فحسبنا الله ونعم الوكيل ولكننا لا ننكر الاسف للرئيس

فنحن كمان اسفين ياريس علشان مادوستش علينا بالاحذية

وكمان اسفين ياريس علشان نسينا انك انت مصر

واسفين علشان مرضناش نخضع رؤوسنا لك ولهامان ولجنودك

واسفين اننا لم نعطك خدودنا اليمني عندما ضربتنا علي خدودنا اليسري

واسفين لان كان عندك كل الحق في تجويع اهل غزة ولتذهب المرأة التي حبست القطة الي الجنة

اسفين لان السرطان لم يصب كل الشعب المصري

اسفين لاننا نموت وننتحر كما الحيتان علي شواطئ ايطاليا

اسفين لان الفشل الكلوي لم يصب بعد اطفالنا

اسفين لانك تطعمنا السرطان ونحن لانشكر نعمك

يكفيك ايها الرئيس انك مصر لا انت لست مصر انت ........ ولابد ان ترينا ماتري وتهدينا الي سبيل الرشاد

اسفين لانك اغرقت 1000 مواطن مصري خرجت انت واسرتك الكريمة لمشاهدة مباراة كرة قدم تعزية للحسالة الغرقي

اسفين لان يدك دائما ممدودة لايدي الصهاينة بالسلام

اسفين لانك تعلق يافطة علي مدخل سيناء من نفق الشهيد احمد حمدي يذكر فيها هذه الاية ادخلو مصر انشأالله امنين وكأنما انا عندما كنت في سينا لم اكن بمصر

أسفين لأنك خدمتنا 30سنة ذل واهانة واستبداد

اسفين لانك قلت اننا دولة علمانية ولم تطبق من العلمانية إلا مسخ الاسلام
اسفين لانك حولت البلد من دولة مؤسسات إلي دولة نظام

ان كان فعل ذلك فهو مسئول وسيحاسبه الله
لا نحاسبه نحن
يكفى ان نعترف بجميله الذى صنعه لنا
الا تذكر اى شئ لهذا الرجل
هل اصابك الجنون يا اخى مثلما اصاب غيرك من الشباب لحد
انك لا تستطيع التفرقه من معنا ومن علينا
هل هذا هو وقت الحساب للمخطئين
ام هو وقت ننقذ فيه ما تبقى لنا من كرامة ومن كرامة وطننا
انها مصرنا وطننا التى تغرق
هل ستكون راضى عندما تكون انت بالخارج مغتربا عن اهلك
ويخرج مبارك ويتنحى ونفاجئ صباحا بقوات غربية تحت شعار
حقوق الانسان والمواطنين
يحاولوا خداعنا بانهم يحمونا
تكون انت بالخارج واختك وامك تغتصبن هنا بالداخل
ما هو شعورك
الا يكفينا ان نتركه يحمينا ضد هذا على الاقل
الا يستحق وطننا وامهاتنا وارضنا ان تصان
كرامتهم واعراضهم
ارحموا مصر شويه

مممممممم...يحمينا والله مع ان مبسوط من موقف مبارك انه مهربش لحد دلوقتي ...بكل صدق اول مرة احس انه راجل....لكن يحمينا دي بصراحة ضحكتني وربنا انتي ما تعرفيش ان فيه 1500 جريح غير القتلي....ما شوفتيش الجمال والحصنه والبلطجة من الحكومة؟؟؟..ما شوفتيش القنابل الصبح؟؟؟...ما شوفتيش عربيه الشرطة الي دخلت في الناس من حوالي ساعتين؟؟؟..ما شوفتيش الراجل وهو بيصوت في التليفون لانه هرب وساب اهله هيتقتله في ميدان التحرير؟...ما شوفتيش الجيش وهو بيتفرج امبارح؟؟؟...ما شوفتيش عمرو سليمان من ساعه وهو بيقول احنا هنحاسب الناس المسئوله عن الشغب امبارح؟؟صحيح هو كان فين امبارح كان في غيبوبة؟؟؟؟...

انا ممكن اكون معاكي في ان الرئيس محترم انه ما سبناش وهرب لكن اكوووووون مجنون لو صدقت انه بيحمينا والناس دي كلها بتموت

بالله عليكي لو اخوكي لا قدر الله مات امبارح في ميدان التحرير والعالم كله عارف انها مظاهرة سلميه كان ده هيبقا ردك؟؟؟

كنت هانزل واكلم الناس اعمل اى حاجة افوقهم بيها
اقولهكم ان اخويا مات عشان مصر
اقولهم يفوقوا
ربنا اللى بيحاسب يا احمد موش احنا
احنا موش ربنا يا احمد
مصر هى الاهم
احنا بنتجوز ونخلف وبنوهب ولادنا لمصر
وتراب مصر
لو كلنا هانومت يبقا نموت فى سبيل قضيه واحدة
حماية مصر
كفاية توجيه اللوم والخناجر للراجل ده
اهدوا شويه
ايه اللى حصل معقول كلنا نسينا المعروف
حاسبوه بعدين
ولا لازم نقف نتفرج على بلدنا بتغرق واعراضنا بتهتك وبعدين
نصوت ونقول ولا يوم من ايامك ياريس
افتكر مصر يا احمد
مصر وبس
لو الريس غلط
بلاش نغلط احنا كمان بلاش نقفل عقولنا ومخنا
بلاش نبص تحت رجلينا
حرام بجد التفكير ده

اكاد اتفق معك استاذ احمد فى كل شئ تقوله واعلم ان الرئيس كان على درايه كامله بكل هذه الاخطاء والسلبيات العديده ولم يحاول اصلاحها الا بعد فوات الاوان فلما لم يفعل هذه الاصلاحات من البدايه ويجنب البلاد كل ذلك ولكن نحن لن نحاسبه اولا له ربا يحاسبه وثانيا هناك منظمات عالميه سوف توجه له تهم جنائيه عديده

وانا كنت اقول كلامك ذلك ولكن الان اثرت الصمت وعدم الحديث عنه الان
ولقد قلت هنا فى اول موضوع لى كل ذكريات جميله عن الرئيس وهذا ليس حبا فيه ولكن حبا لمصر واعاده الاستقرار
وهناك اشخاص كثيرون لا يعلمون ان مظاهرات الشباب الان وامس كانت بسبب سلبيات الرئيس التى اثرت على حياتهم بل وفقد اشخاص اعزاء لديهم وما زاد الالم هو استشهاد بعض المتظاهرين المدافعين عن حقوقنا جميعا فلذلك هم متمسكون بعدم الرجوع لمنازلهم وانا اقدر موقفهم

اما الان فلابد من الكذب على انفسنا وتذكر ايجابيات الرئيس فقط حفاظا على مصر واملا فى عوده الاستقرار لوطننا حتى تمر هذه الشهور المتبقيه له على خير واملا فى ان يتولى البلاد من يحافظ على كرامه المصريين ويحميها ولا يهتم بجمع الاموال على حساب دماء وكرامه شعبه

ولا تقولوا لنا ان نحكم عقولنا فنحن ليسوا اغبياء لهذه الدرجه او اداه يستطيع احد استخدامها لاننا لو احكمنا عقولنا لتذكرنا سلبيات الرئيس وكل شئ مؤلم تسبب فيه وعقولنا هى من ستحكمنا لاستغلال هذه الفرصه لاطاحه به

لكن لابد ان نحكم بعاطفتنا لوطننا بان نعمل على اظهار ايجابيات الرئيس حقنا للدماء واملا فى الاستقرار

بجد يا استاذ مصطفي لو كاتب لنشرت لكلامك في جميع الكتب ولو انني شاعر لكتب اجمل قصيدة في كلامك ...ولكني لست بالكاتب ولست بالشاعر...
كلامك يتسم بالاقناع الجيد وتجيد استخدام الافلاظ اللائقه....وكلامك يتسم بالوضوح والصراحة وعدم الكذب....ارجو من شباب الامة جميعا ان يعو ما تقول وان يعرفو ان للوطن علينا حق...واننا بدون وطن سنعيش مكبلين الايدي خافضي الرؤوس ...
اتمني للك التميز دائما

ربنا يكرمك يا استاذ احمد بجد على كلامك الجميل ده فنحن نتعلم منك

واتمنى من شباب مصر نبذ العنف والاضطرابات والانتظار لنرى عمل النظام ثم نقرر بعد ذلك وذلك املا فى استقرارنا وحرصا على المصلحه العامه

حفظ الله لنا مصر