من سيربح حبك؟

خياران احلاهما مُر’’’



هل تضحيبحبك ام تخسراهلك؟؟؟





(( الجوازه دي مش ممكن تتم))




هذه العبارة من اشهر العبارات الدراما العربيه التي توضح عدم مباركه الاهل لاختيار ابنائهم في الزواج’’’



]فماذا يفعل الانسان اذا وجد نفسه في موقف مماثل مع اهله؟؟؟



هل يضحي بحبيب القلب من اجلهم؟ام ينسحب من العلاقه ويطويهافي ذاكرته,,,



ام يشق عصا الطاعه ويركب قطار الحب وحيدا من دون سند عائلي؟؟؟



ايه رايكم في الموضوع وتخيل لو كان حصل الموضوع ده مع حد منكم ايه رد فعله هاستنى ردكم

بصي يامي مفيش حد بيخسر اهله عشان الحب
ياما يقنعهم باللي بيحبه ده لو هو اصلا مقتنع
لانه لو مقتنع هيقنع اللي حواليه بالطرف التاني


اما فكره الجواز والتضحيه ويخسر الاهل ده ف الافلام وبسسسسسس
كمان الشباب دلوقتي او اغلبهم مرتبطين باراء اهلهم الي حد كبير نظرا لظروف المعيشه والحياه
مفيش شاب يقدر يعتمد على نفسه ميه ف الميه ويتجوز لازم في مساعده من الاهل ف البدايه

كمان لو جيتي لحته الطاعه هتلاقي من حق الطرفين طاعه اولي الامر منهم
والارتباط اللي يبتدي برفض صعب يكمل ومفيش حاجه معلش اسمها حب والكلام ده
صدقيني كل الرجاله واحده بعد الجواز زيد زي عبيييييد زي فتح الله

كل حاجه كنتي بتحبيها ف جوزك هتبقى امر عادي بعد الجواز وهتشوفيها شئ عادي جدااااااا
والحياه والمسئوليه والارتباطات حسابات اخري

كمان الجواز مش علاقه بين واحد واحده بس
دي علاقه بين اسرتين لازم يربط بينهم التكافؤ في كل حاااااااااجه
الفكري والاجتماعي والمادي والديني

لان اي خلل ف اي حاجه من دول بتهدم العلاقه على طول

وكل قصص الحب انتهت بالفشل عندك عنتر وعبله وقيس وليله وروميو وجوليت

اللي بيكتمل القصص اللي بتعتمد على التوافق الفكري بين الاتنين والقبول

دايما الحب بيقتضي تقديم احد الاطراف تنازلات فحد منهم هيتظلم ويرجع يندم بعد الجواز

فاسلم حاجه الواحده تقعد ف البيت تستني اللي يقدرها بكل مزاياها وعيوبها ويقبل بكده ويكون موافق وشاري
وفي الاول والاخر ده نصيب ومفيش حد بيتجوز غير جوزه زي مابيقوله


وصدقيني بقى لو ف حب حقيقي بين الاتنين كل اللي قولته ده ولا هيبقى ليه لازمه وحبهم هيطغى على اي حااااااجه
بس ده لو بجد في تمسك من الطرفين ببعض