مفاجأت وأسرار في قضية أسماك القرش في شرم الشيخ
في برنامج مصر النهاردة إلتقى المقدم تامر أمين مع أحد الغطاسين بمدينة شرم الشيخ ليناقش قضية إلتهام أسماك القرش للسياح ... فالحقيقة قبل أن يتكلم الرجل أنا توسمت فيه الذكاء .. يعني مجرد مظهره الخارجي يوحي بأن الرجل متواجد لمناقشة قضية وليس لأنه لم يستطيع مقاومة إغراء الظهور على الشاشة .... وبمجرد أن سنحت له الفرصة بالكلام ،، فتح النار على الجميع ... بدأ الاستاذ مصطفى اسماعيل أولاً بتسمية كل الاجراءت التي تقوم بها الحكومة ومحافظة شرم الشيخ بالتهريج والعشوائية .. وأضاف أن جميع الخبراء الأجانب إلي جيبنهم .. عندهم نفس المشكلة في بلادهم .. يعني هما أصلاً مش عارفين يحلو مشكالهم سأله مقدم البرنامج : امال هما جيبنهم ليه .. فرد عليه : سبوبة .. بس هما مش حيعملو أي حاجة لئن هما أصلاً ماعندهمش فكرة عن أي حاجة ...
ثم فجر المفاجأة قال الاستاذ مصطفى اسماعيل تقريباً بالحرف ( والرجل بدا في منتهى العصبية ) : أنا أصلاً طول عمري بغطس في شرم الشيخ وسمك القرش إلي هناك عمرو ما بيهاجم حد .. سمك القرش على فكرة سمك خجول جداً وبيهرب لما بيشوف بني أدمين .. احنا أصلاً كنا بنغطس جانب اختر أنواع سمك القرش إلي هو إسمه المطرقة وكان بيبعد مننا لما بيشفنا في البحر الأحمر ...
سأله تامر : امال إيه إلي خلى السمك دة يهجم على الناس ... قاله : بص يا تامر السمك دة سمك محيطات مش سمك بحر ... ومش تايه لأنه مش بيخش حواري لأن البحر الأحمر بالنسبة للمحيط يعتبر حارة ... يعني السمك دة مزروع في البحر الأحمر داخل المياه الاقليمية المصرية عن عمد.... ثم أضاف : من حوالي ثلاث شهور قال لي غطاس إسرائيلي (و احنا على فكرة بنتعامل معهم عادي جداً ) انهم وجدو سمكة قرش عند ميناء ايلات وفيها جهاز GPS (جي بي إس) وهو جهاز لتحديد الموقع .. طبعاً السمكة دي تاهت ودخلت إسرائيل ... حاجة زي كدة متعدش على واحد زيي كدة... لأن أنا فاهم في شغل البحر كويس ؟
ويقول أيضاً ؛ هناك دول محيطة لها مصلحة في ضرب السياحة في مصر ( إسرائيل؟)... وإن الحكومة المصرية بتتعامل مع الموقف بمنتهى السذاجة والفوضى .. لأن لازم الكفاءت المصرية هي إلي تتولى حل المشكلة ،لأن ببساطة إلي إنت حتجيبوا من برى دة حتضمن ولاؤه ازاي ؟
الرئيسية 
التسجيل 
موضوع: مفاجأت وأسرار في قضية أسماك القرش في شرم الشيخ 
