<<<ها هتنتخبوني ؟>>>

قررت ان ارشح نفسي رئيسا "مش في مصر ..عشان الرقابة ههههههه"
.. أقدم لكم برنامجي الإنتخابي..

أولا: يتم حرق جميع التي شيرتات اللي بترتر اللي بيلبسها بعض الشباب اياهم ومنتشرين في الشوارع

ثانيا: يتم اعدام سائقي الميكروباصات في حالة صدور او محاولة صدور خطأ واحد منهم

ثالثا: حرق جميع نسخ شرائط .......... و........... وكل اللي علي شاكلتهم واعدامهم في ميدان عام ليكونوا قربانا للذوق العام

خامسا: فتح كافيهات مكيفة علي جوانب كل الطرق حتي الطرق القديمة والمتهالكة مع تدعيم خدمة الجاكوزي والتدليك والمساج علي الطرق للرحلات الطويلة

سادسا:اعادة هيكلة الطريق الدائري والمقطم

سابعا: السماح بتفييم العربيات بدون اي مخالفة

ثامنا: دقيقة الموبايل تبقي ب 4 قروش

تاسعا: التوسع في انشاء مولات جديدة لمنافسة سيتي ستارز

عاشرا: احراق مدينة المساطيل وطريقها واعادة البناء من جديد

حادي عشر: اعدام كل الوزراء السابقين اللي كوشوا علي فلوس الناس

ثاني عشر: وصول المنتخب لكاس العالم بالعافية "رشوي وكده يعني" المهم تنبسطوا

ثالث عشر: قتل وزير البيئة بدفس رأسه في قش الأرز المحروق ليري ما يفعله بالشعب المصري

رابع عشر: مشروع "هامر لكل مواطن" علي بطاقة التموين والسداد لحد ورثة الورثة

خامس عشر: توظيف كل ابناء الشعب العصري برسالة قصيرة "وظفني شكرا "

سادس عشر: الغاء جميع الأحزاب وتبقي حزبين واحد اسمه "حزب المنافقين" والتاني "حزب الممثلين"

سابع عشر: يعمم برنامج علي كل التليفزيون اسمه "شتيمة في مسؤؤل" ويتم لعن وسب سلسفيل المسئول وعيلته لو حدث منه خطأ

ثامن عشر: الغاء كم مسلسلات رمضان وجعلهم عشر مسلسلات في العام بدلا من خمسين

تاسع عشر: الغاء خدمة "محاصيل المجاري" وجعل المحاصيل تروي بالماء المعقم

عشرون: تأميم شركة السبكي وغيرها من شركات اصدرت افلاما رخيصة وخلافه ومعاقبة ابطال الأفلام علي ما فعلوه في ثقافة جيل

واحد وعشرون:تعليق مدير شركة ت ايه داتا علي ..... في وسط المدينة ورفض جميع العاملين بها لسوء مستوي الخدمة وتدنيها

اثنان وعشرون: الغاء جميع الاعلانات المستفزة من التليفزيون وعلي راسهم اعلانات احسبها صح والضرائب والفانتا ومعاقبة أبطالها ايضا

ثالث وعشرون:نفي الرئيس السابق ومصادرة جميع امواله وتوزيعها علي الشعب بالكامل

رابع وعشرون: الغاء نظام الثانوية العامة وكل واحد يدخل اللي هو عايزه بس شرط يكون هيبدع فيه مش داخله عشان المجموع وخلاص

خامس وعشرون: الغاء جميع برامج المسابقات النصابة وفرض عقوبات عليهم والغاء الاعلانات الصحية المضللة بقرار رئاسي

سادس وعشرون: فتح "مارينا" للفقراء للإستمتاع كما يستمتع الاغنياء..

ها هتنتخبوني ؟

هههههههههههههههههههههههههههههههه
حلو اوى البرنامج دى
وحاصة وظفنى شكرا وخلافه
بس انتى مجلس شعب ولا شورى ولا دى حملى انتخابيه للرئاسه حددى

ههههههههه انا اكيد مش هنتخبك دنتى ناويه تشردينا

لا طبعا يختى رئاسه هو انا اى حد

بس موش عندنا انتى قولتى
يبقا موش هارشحك
انا هاشرحك

يلا يا جماعه حد يزود يلا علشان نلم الفلوس قصدى الصناديق
ها مين هيزود 0000000000000

يارنا يارنا احنا معاكى يارنا
يامدلعانا يارنا
على اساس ان انا منافق

شكرا no name على الموضوع

ايه يا زيزو هاتنافق من دلوقتى
امال لو كانت بترشح نفسها فى الدايرة بتاعتك
كنت عملت حملة انتخابيه ولا ايه

avatar كتب:: شكرا no name على الموضوع

اهلا بيك فى المنتدى
شكرا ع المرور

[quote="miss mai"]ايه يا زيزو هاتنافق من دلوقتى
امال لو كانت بترشح نفسها فى الدايرة بتاعتك
كنت عملت حملة انتخابيه ولا ايه

بس يا حاجه متاثريش ع الناس بتوعنا منافقين منافقين مليكيش دعوه خليكى فى اكل عيشك احسلك

هههههههههههههههههههه يا جاااااااااااااااااااامد ايه الحلاوة ديه يا بت
بس سيبك احلى حاجة الغاء الثانوية
بس نسيتي حاجة المفروض تعملي ابداء غير المصريين رايهم عشان اديكي صوتي يا حاجة

ههههههههههههههههه
ادينى صوتك انت بس وانا اخليكى كيلوباترا لوتحبى

بس كدة ماشي يا باشا

شكرا ع مرورك يا معلمه