كش ملك فى منتدى حراء

تذكير بمساهمة فاتح الموضوع :

بسم الله الرحمن الرحيم

فكرة اللعبة

هى فقرات هيواجهم الضيف

الفقرة الاولى : هى عرفنا بنفسك من خلال صور تعبيرية خلال اجاباتك على الاسئلة الى هتواجها
وهتكون فقرة بسيطة وخفيفة

الفقرة التانية : فقرة اعترف وهيكون فيها كلام مع الصور
الى هتجاوب بيها على الاسئلة

الفقرة الثالثة : والاخيرة وهى اصعب فقرة
وهى فقرة كش مللك وهتكون فقرة اجابتها بالصور الحقيقية للضيف مع الكلام

وليضيف حق الفيتو على 3 اسئلة
غير كده لازم يجاوب
عايز منكم مشاركتكم علشان هاتكون حلوة
قولوا رايكم علشان اقول اول ضيف

انا مش مان انا راجل دة اولا

الفقرة التانية

1-بتدى دروس خصوصية ؟
2-لو انت بتدى بتدى كام مجموعة والمجموعة بتتكون من كام فرد؟
3-لوبتدى دروس حاسة انى انت بتعملى فى الدرس زى مايتعملى فى المدرسة؟
4-بتغيبى كتير من المدرسة كمدرسة؟
5-متأخرة فى المنهج؟
6-حاسة انى انت صح لما دخلتى ?english
7-امتى مابتعرفيش تشتغلى بمزاج؟
8-حاسة ان حد زعلان منك من الطلبة من اى حد؟
9-اكتر مكان بترتاحى فيه وبتنسى كل همومك فيه؟
10-مين اكتر شخص بترتاحيله فى الكلام وبتفضفضيله؟
11-هدية تتمنى ان حد يجباهلك فى يوم؟
12-راضية عن نفسك؟

ولك الحق فى عدم الاجابة على سوالين فى المسابقة كلها

MATRIX كتب:: انا مش مان انا راجل دة اولا

الفقرة التانية

1-بتدى دروس خصوصية ؟
2-لو انت بتدى بتدى كام مجموعة والمجموعة بتتكون من كام فرد؟
3-لوبتدى دروس حاسة انى انت بتعملى فى الدرس زى مايتعملى فى المدرسة؟
4-بتغيبى كتير من المدرسة كمدرسة؟
5-متأخرة فى المنهج؟
6-حاسة انى انت صح لما دخلتى ?english
7-امتى مابتعرفيش تشتغلى بمزاج؟
8-حاسة ان حد زعلان منك من الطلبة من اى حد؟
9-اكتر مكان بترتاحى فيه وبتنسى كل همومك فيه؟
10-مين اكتر شخص بترتاحيله فى الكلام وبتفضفضيله؟
11-هدية تتمنى ان حد يجباهلك فى يوم؟
12-راضية عن نفسك؟

ولك الحق فى عدم الاجابة على سوالين فى المسابقة كلها

اولا انت راجل وسيد الرجاله
ثانيا ايه جو الضرايب اللى انت معيشنى فيه ده
وثالثا انت كريم جدا سؤالين بحالهم ياراجل فى المسابقه كلها!

1- أيوة بدى دروس

2-موش عارفه كام مجموعه بس المهم هى موش بتزيد عن 5 طلبه

3-والله فى المدرسه بيكون فى فرصه اكبر للشرح والمناقشه لكن الدرس فرصته اكبر فى حل الاسئله والتمارين والمراجعه. فاعتقد ان الاتنين زى بعض ده لو ماكنش المدرسه افضل لانها اكتر فى عدد الحصص..
وبعدين انت تحكم..

4-الى حد ما بغيب بس موش شايفه انى بغيب كتير

5- لا موش متأخرة خالص فى المنهج بالعكس كلها حصه او اتنين واخلص المناهج

6-اه طبعا صح لانى دخلتها عن حب واقتناع وكنت بحارب ناس كتير اوى كانت عاوزة تبعدنى عن اللغه اساسا

7-موش بعرف استغل بمزاج لما بيكون عندى حصه واحده فى فصل معين لكن لو حصتين بيكونوا كويسين اوى

8-اه حاسه طبعا ان فى حد زعلان منى من الطلبه لان احيانا بشد عليهم اوى وانت واحد منهم لكن طبعا فيهم اللى فاهم انه لمصلحتهم وفيهم اللى موش متقبل الموضوع اصلا لكن بالنهايه لازم اراضى الكل وموش بزعل حد

9-أكتر مكان ارتاح فيه وبنسى فيه همومى وبنسى اى حاجه وبكون منفصله عن العالن تماما وانا فيه هو المنتدى اصلا الوقت اللى بكون فيه هنا ويحصل اى حاحة جنبى حتى لو البيت ولع موش بسيب المنتدى الا فى حالة المرض

10-أكتر شخص ارتاح معاه فى الكلام وافضفض معاه هم شخصين
مؤمن داخل المنتدى وخطيبى خارج المنتدى

11- موش عارفه بجد ايه الهديه اللى نفسى فيها لكن عموما انا برضى بأى حاجه

12-الحمد لله انا راضيه عن نفسى فى كل شئ الى حد ما وغير راضه عن نفسى فى الاجتماعيات فقط لان دى اكتر حاجه انا مقصرة فيها

يارب اكون قدرت ارد على اسئلتك كلها
شكرا ماتريكس

لقد اجابت ميس مى عن الاسئلة بشكل متميز
ميس مى انتقلت الى المرحلة الثالثة ولم تحذف اى سؤال
شكرا ميس مى وكونى فى استعداد على الفقرة الثالثة

انا مستعده فى اى وقت

ودلوقتى جه معاد اخر فقرة فى البرنامج ياميس مى وهى فقرة كش مللك
وزى ما انتى عارفة ان لازم تكون اجااباتك صريحة
وعايز افكرك ان ليكى حق التفويت على 3 اسئلة فقط لاغير فى الفقرة دى غير كده انت مضطر تجاوب
ونبدا

1- ماهو نوع موبايلك ونزلى صورتو ؟

2 - احلى صورة انت صورتهيا لمين وفين وممكن توريهالنا؟

3-انت ساكنة فين ياميس وممكن تورينا اكتر حاجة بتحبهيا فى اوضتك ؟

4-هدية غالية عليكى جدا جتلك من حد عزيز
عليكى هى ايه ومن مين وممكن توريهالنا؟

5-اكتر شخص بتحبيه ف المنتدى هنا ؟ مين
نزلى صورتو الرمزية واكتبى اسمو

6-اخر رحلة طلعتيها ليك كانت فين ومع مين وممكن تورينا صورة صورتها فى الرحلة دى؟

7-صورة على موبايللك مش ممكن تمسحيها مها حصل؟صورة مين وممكن توريهالنا

8-عضو هنا فالمنتدى بتعتبرية صديق حقيقى ليك؟
مين نزلى صورتو الرمزية واسمو

9 -عضوة هنا فالمنتدى بتقدريها وبتتمنيلهاكل خير؟ نزلى صورتها الرمزية واكتبى اسمها

10-عضو او عضوة اتخنقتى منة او حصل بينك وبينو سوء تفاهم؟
مين ده نزلى صورتو الرمزية واكتبى اسمة

فى نهاية الحلقة ياميس مى تحبى تقولى ايه لكل الاعضاء الى شافوها
وتحب توجهى رسالة خاصة لمن سواء فالمنتدى او برة المنتدى

وبجد انا كنت سعيد جدا انك كنت اول ضيف معايا ويارب مكنش محاور رخم وتقلت عليكى شوية

ملحوظة ياميس ممكن تجاوبى من غير صور لو دة اللى مضايقك

يلا ياميس بقى انا زهقت عايزك تجاوبى
علشان الضيف اللى بعديكى

اخر فرصة ليكى للرد يا ميس لو مارديتيش فى خلال نصف ساعة هاغير الضيف

تم تغيير المتسابقة miss mai لتاخيرها عن المسابقة
والعضو الثانى no name لو موجودة تجهز نفسها

هههههههههههههههههههههههههههههههه

ايدا يا زياد احنا متفقناش ع كده ع فكره
اهو ده الى كنت خايفه منه

هههههههههههههههههههههههههه
يا معلم

ايوه يا ختى اشمتى اشمتى

ده انا هاضحك عليكي ضحك
يللا يارب تكون الاسئلة كدة محرجة وتنقطي عرق كدة
وهاخش اضحك عليكي برده
اديها يا زياد

يلا نبدأ ومع تانى ضيف فى برنامجنا وهو عضو بدأ مشواره فى المنتدى خطوة بخطوة لحد مابقى شخصية مهمة فى المنتدى

no name
مراقبة القسم العام و الترفيهى
كش ملك فى منتدى حراء - صفحة 2 Pzz70566

1-مــــن انـــــــت ؟

2- ماهو هدفك في هذي الحياة ؟

3-صفه فيك تحبيها؟

4-صفه فيك تكرهيها ؟

5-اكثر شئ يعصبك؟

6-اكثر شئ يخوفك؟

7-من مثلك الأعلى؟

يلا رنا ردى على الموضوع ابوس ايديكوا ياجدعان علشان تردوا

معلش يا زياد بجد والله كان عندى امتحانات الاسبوع ده مكنتش عارفه ادخل خالض
مش مطتشاك يعنى والله

1-مــــن انـــــــت ؟
انا اسمى رنا وعندى 16 سنه انا كبيره اهو
وفى ثانوى وربنا يعدى السنه المنيله بنيله دى
ع خير وبكره اسرائيل وبحب عمرو موسى
وهبطل السجاير وهكون انسان جديد ومن اول يناير خلاص هشيل حديد وايييييييييه
ومش لقيه حاجه اقولها هههههه واييييييه

2- ماهو هدفك في هذي الحياة ؟
هدفى فى هذه الحياه ان الله يرضى عنى رضا تام قبل ما اموت
3-صفه فيك تحبيها؟
ثقتى بنفسى عموما انا بحب الصفه دى فى
اى حد
4-صفه فيك تكرهيها ؟
ههههه ليه كده لا انا عصبيه جدا وعنيده شويه

5-اكثر شئ يعصبك؟
لا اكيد طبعا بتعصب لما اى حد مهما ان كان
يحاول ان يهين كرمتى باى طريقه
وبكره الاغبيه والغباء هههههههههههه
ودول بقى ميييييين البلد حاجه تقرف هههههه

6-اكثر شئ يخوفك؟
الموت

7-من مثلك الأعلى؟
مثلى الاعلى هو الحقيقه مفيش حد كامل فينا
يعنى الا رسول الله صلى الله عليه وسلم
اعتقد ان الرسول المفروض يبقى المثل الاعلى فى كل شيء لكل المسلمين

يلا يا زياد انا كده براءه من اول فقره

اهم حاجة جوابتي السؤال اللي كنت عاوزاه ولو ما كنتيش جاوبتي نفس الاجابة كنت فضحنك
بس اجابة السؤال الاول ده جامدة يا بت

علشان سؤال العند يعنى

ايوة عليكي نور

برافو عليكى يارنا عديتى المرحلة الاولى بمهارة استعدى للمرحلة التانية

طب استنى بقى بعد المتش علشان ارد عليك

» انتخابات منتدى حراء
» ماتت بسسب منتدي حراء؟
» جديد منتدى حراء مجموعة برامج اسلامية للجوال jar
» واحد عصبى عمل منتدى
» قوانين منتديات حراء