فقر+تسول= أطفال شوارع.

ظاهرة التسول ( اولاد الشوارع )
هل هي حاجة ام مهنة . ؟؟؟

يتركون بمفردهم ويحرمون فرح الطفولة . !!
فيرسمون خط حياة خطرة.. !

من دون سقف أو حقوق ,,, !!
يعانون الألم والإستغلال والإحتقار.
تعود أسباب معاناتهم الى عوامل سياسية واقتصادية واجتماعية.
فيما تبقى الحماية والرعاية والمساعدات شحيحة بحقهم من إجل استمرار الحياة.
أولاد يجوبون الشوارع ليل نهار يتمركزون عند الاستدارات وإشارات السير يترصّدون العابرين بوجوههم الشاحبة وأيديهم الممدودة لكسب العيش !!!
جائعون مشردون اتخذوا من الشارع مسكنا لهم.
أجسادهم متسخة !!
أقدامهم حافية وثيابهم باليه لا تتناسب وفصول السنة !!!
يعملون في مجالات مسح الأحذية والتسوّل العتالة بيع السجائر والمياه واليانصيب مسح زجاج سيارات العابرين .!!
في حين يجب أن يكونوا في المدرسة يتحضّرون لمستقبل واعد يليق بهم.
فئة مهمّشة من الاولاد تنتهك حقوقها كاملة .
حقها في الصحة التربية والتعليم وحقها في الحماية من العنف والمشاركة في الحياة العامة الخ..!
ظاهرة التسول واولاد الشوارع من القاصرين خاصة ماهي اسبابها الحقيقية؟؟؟
هل التسول حاجة ام مهنة ؟؟؟
هل أسباب هذه الظاهرة يعود بشكل أساسي إلى موضوع الفقر؟؟؟
ولأن هؤلاء يولدون في أسر فقيرة تدفع بهم إلى الشارع وتعكس أيضا خللا في نظام الحماية الإجتماعي". ..
هل تحد معالجة مسألة الفقر من وجود هذه الظاهرة .. ؟؟؟؟

هل هي صناعة للتسول ؟؟؟

حيث تتوارد على المسامع هناك أشخاص بالغون يقومون بتشغيل الاولاد واستغلالهم على الطرق وعند مغادرتهم الشارع يرافقونهم إلى مكان إقامتهم.
موضوع للنقاش يتطلب ارائكم اعزائى اعضاء المنتدى الكرام.

والله حاجه صعبه فعلا الواحد يمشى خطوتين يلاقى
الاطفال دول فى كل مكان البلد بقا شكلها غريب
والاغرب انهم يتظاهروا بانهم ذوى احتياجات خاصه
ربنا يرحمنا ويسامح اهليهم واللى كان السبب

ان شايف انوا مش وقتوا ندور عن مين اللي كان السبب

المفروض دلوقتي كلنا نكون ايد واحدة لانقاذ ما يمكن انقاذه

من هولاء البؤس لان بجد دي حاجة بقت تتعب كل انسان فينا

انا كل لما اشوف حد منهم بحس ان انا السبب ف كده و بحاول اساعد

الاحسن ان احنا ندور عن طرق عملية لحل المشكلة دي

وخصوصا ان دول دلوقتي اطفال بكره لما يكبروا هيعملوا ايه

لو شاب منهم بس فكر يتجوز تتخيلوا هيعمل ايه اكيد هيلجا للحرام

لو احتاج فلوس هيعمل ايه

لو بنت احتاجت فلوس علشان مثلا اخوها تعبان هتعمل ايه اكيد هتبيع وتسترخص نفسها

ودي مسؤلية كل واحد فينا لانن كلنا واحد

شكرا يا جماعه على المرور
وبارك الله فيك يا شهاب
وفعلا ياريت نلاقى طريقه
بس موش احنا اللى المفروض نعمل كده
احنا جزء من دوله ومسؤليين من ناس اللى
المفروض انهم اولى الامر
فى جهات معنيه ورقابيه وجهات رسميه
لازم ياشهاب تتحرك وانا موش عارفه هم ساكتين ليه
ولمصلحة مين

يا ميس مي ع فكرة احنا كل لما نفتح موضع او نحط ايدنا ع جرح نقول ذنب الحكومة

طب الحكومة هتعمل ايه من غير ما الشعب يساعد مش مطلوب من الحكومة انها تدي لكل واحد فينا مصروف يعني

هو احنا تعبنا او بذلنا جهد ما الشباب كلهم ملين القهاوي من غير شغلة ولا مشغلة

ليه ميتعبوش وبعدها يحددوا اذا كانت الحكومة مش مظبوطة ول لا

اه فيه خش فيه سرقة فيه ظلم لكن ف الاخر احنا نستاهل

فيه ناس محترمة بس الناس التافهة اكتر الناس اللي طول اليوم قهاوي وبس

ربنا يستر ع الايام اللي جايه

وميرسي ليكي يا ميس يا قمر

ياشهاب يا ضنايا احنا موش بنقول الحكومه ولا اى حد مسئول
لكن قولى اسباب واضحه تخلى الحكومه او اى جهه مختصه تعمل
كل شويه اعلان عن اطفال الشوارع وتعمل موضوعات خاصه بالتبرعات
لانقاذهم لكن العدد بيزيد
طيب الفلوس اللى بيلموها مننا بتروح فين
طيب تفتكر ان الخطيئه بس هى السبب فى انتشار الفساد والتخلف وظاهرة
اطفال الشوارع
تفتكر ان الواحده ولا الواحد اللى بيرمى عيله فى الشارع بيكون بس لانه خايف
من الفضيحه
طبعا لا بدليل القصه المشهورة بتاعت الفنان المعروف والبنت اللى كان متجوزها عرفى
كانت تقدر البنت تقول سمعتى فى الوسط والناس تقول ايه
لكن كان عندها الشجاعه الكافيه انها تقف وتقول انا غلطت وبدافع عن حقوق ابنى او بنتى
عشان مايكونش طفل من اطفال الشوارع

بصراحة مقدرش اعمل حاجة غير اني ارفعلك القبعة

تسلم ايدك يا قمر فعلا انتي صح

ربنا يخليك ياقمر ده من زوقك

ربنا يحميكي يا عسل

ميرسى ياقمرربنا يخليك

» شوقتو شوارع تركيا
» شوف تعريف الحب ايه عند أطفال المانيا