شبيك لبيك وآسفه للعفريت

شُبيك لُبيك

لقيت الفانوس مرة ودعكته طلعلى عفريت قاللى شبيك لبيك

قلت خلاص الذل أنا ودعته ويا عفريت بالطلبات هاهريك

قالى هأوأو يا إنسان دانا العفريت بن الجان

ما يهمنيش مكان وزمان واطلب وعندى البرهان

قلتله عاوز قمح زُرع فى مصرومسؤولين يبطلوافشر

وحكومة متعصرنيش عصر ومرتب يسترنى لآخرالشهر

وعاوز عيش بدون طوابيروحكومة ضد التبذير

وانتخابات من غير تزوير ورئيس سابق أشوفه كتير

وعاوز فى بيتى كيلو دقيق وسبب مقنع لأىحريق

ومجلس شعب بدون تصفيق وفى كأس العالم لينا فريق

وعاوز أزور شرم الشيخ وصباعين كفتة اللى فى السيخ

وأشرب مرة عصير بطيخ وأخرج من القسم بدون تلطيخ

ونفسى الضحكة ترجع تانى وحتة لحمة كندوزأو ضانى

وجنيه مصرى زى البرانى ورصيف للمشى أنا وخلاّنى

رد العفريت عليا بغشم وقال يا مصرى ماكنش العشم

بص.. أنا ممكن أنقلك الهرم واسدلك الأوزون اللى اتخرم

وأرجعلك الأكل اللى اتهضم وأعملك بقرة من الغنم

وأعملك قصر من العدم وأقولك معنى شرم برم

بس طلباتك طلبات ملموس عقله خلاص أكله السوس

ده تخطيط يا بنى ومدروس إنك تعيش على طول موكوس

وأحنا بناخد منكوا دروس إزاى نخلى العفريت متعوس

ويا رب ترجعنى تانى الفانوس وزى بعضه أعيش محبوس

بدل ما أخرج واتبهدل زيك وأعيش موكوس على متعوس

ههههههههههههههههههههههههه
جامده يا رنون

شكرا ياختى

ههههههههههههه وهذا هو حال المصريين

شكرا على المرور

فعلا العفريت عنده حق
ربنا يرحمنا
شكرا علي الموضوع