دعاء المصرى المطحون

دعاء المصرى المطحون



اللهم أنقذنا من نفسنة الزملاء وغباء الأصدقاء

اللهم ارحمنا من استبياع الجيل الجديد..
وحرائق السكة الحديد
واستقصاد كل مدير أو رئيس تحرير..
وندالة القرايب
الصغير منهم والكبير

اللهم أغثنا من كل عميل ومن فواتير موبينيل

اللهم أرحمنا من تشريفة عربيات المسئولين
وزحمة الشوارع في كل وقت وحين
وسحب الرخص في كل كمين من الغلبان مش من المتين

اللهم أهدى لنا سواقين الميكروباص
والمدير البصباص


اللهم قنا شر الكليبات..
وشر بلاوي البنات ولؤم الستات
والمينيمم تشارج في الكافيهات..
وهيافة الصحف والمجلات

وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات

اللهم ارفع مستوى الزمالك ..
لمستوى انبى والحدود أو حتى مستوى أسمنت أسيوط
أو أرسل يارب عليهم صاعقة ...بدل ما يخلونا نموت


اللهم سدد أقساطنا وضلل عنا الضرائب

اللهم ارزق جيل الوسط عقود عمل في ليبيا و قطر

اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب

واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية

اللهم أحرق الـ 0900
واضرب الحرامية بالحرامية

ونجح أي طالب في أي كلية
حتى ولو كان في التربية الموسيقية

آآميين آآآمين

ههههههههههه حرامى حله لا انا اهلاوى اصلا حظى حلو الحمد لله

لا طبعا بذا جاب لجاب الناس دى مش تستاهل اصلا