لا يخدعنكم الشيطان

لا يخدعنكم الشيطان
و جنوده

/كتب/إبراهيم-عيسى



انتشرت ربات البيوت فى المحطات الفضائية المصرية الخاصة المملوكة عمليا لمباحث أمن الدولة ويديرها كما هو واضح ضباط يعملون بعد الظهر مذيعين ومدراء محطات تحلل خطاب الرئيس مبارك وتقول إنه كان عظيما حيث أعلن الرجل عن اصلاحات والحقيقة أن هذا التفكير إذا كان مقبولا من ربات بيوت طيبات غير مثقفات فهو يصبح عندما يخرج من أفواه كهنة ومداحين ومنافقين جريمة تضليل تضاف الى جرائمهم المتتالية فالمؤكد أن مبارك لم يقل أنه لن يرشح نفسه فى الانتخابات القادمة بل قال أنه لم يكن ينتوى الترشيح لمدة قادمة، ونحن نعرف جميعا بما فينا المنافقين أنه قال أنه باق معنا حتى آخر نبضة وأن ابنه كان ملصوقا على ملصقات الدعاية التى روجها له رجال أعمال فسدة وآفاقون ممن يصطحبون نجل الرئيس وممن يديرون الآن حملات الهجوم البلطجى على المتظاهرين ضد مبارك، ثم إن الرئيس لم يذكر كلمة واحدة فى خطابه على أن هذه هى فترته أو مدته الأخيرة بل كان يصفها بالفترة الحالية ولم يقل الأخيرة، ثم من يضمن لنا وعود مبارك فكلها أوهام وأضاليل على مدى ثلاثين عاما (هل تتذكرون وعده بإنتخابات حرة نزيهة؟ هل تتذكرون وعوده لمحدودى الدخل ؟) سنجد أنفسنا إذن بعد شهرين ثلاثة وقد وقف مئات من أعضاء الحزب الوطنى فى قاعة يهتفون بالمطالبة بترشيح الرئيس فتغرورق عيناه بالدموع ويعود عن قرار عدم ترشحه ويرشح نفسه بناء على رغبة الجماهير!

أما تعديل المادتين ستة وسبعين وسبعة وسبعين فهذا والله عين المراوغة والالتفاف فمن سيعدل هاتين المادتين ؟ مفيد شهاب وفتحى سرور ورمزى الشاعر ومحمد الدكرورى ؟

يا خبر أسود وهل لايزال هناك فى بلدنا عبيط يصدق هؤلاء أو يطمئن إليهم؟

وكيف سيتم تعديل المادتين مثلا ، هل سيفتح باب الترشيح لكن يقفلوا الشبابيك؟ ويقللوا من عدد المطلوب أصواتهم لتزكية مرشح مستقل من 250إلى 225مثلا ؟

كيف يمكن بالفعل لعاقل أن يتصور أن يكون ما طرحه مبارك يحمل أى ذرة من أمل فى استكمال رئاسته ؟

أما المزاح الطريف فى خطاب الرئيس فهو كلامه عن البرلمان حيث أن الرئيس نفسه الذى نفحنا حتة دين خطبة منذ شهر يتكلم فيها عن روعة انتخابات مجلس الشعب وقوة الحزب الوطنى ونزاهة الانتخابات وجمالها وخفة دمها وخضار عيونها فإذا به يقول الآن انه سيحترم أحكام القضاء ببطلانها ، يا فرحتى ، ثم الأهم هنا هو ومن قال أن انتخابات جديدة فى الدوائر المطعون فيها سيكون نزيها وحرا ؟ ما هى الضمانة أساسا وهل مجرد تنفيذ الصفقة القديمة بمنح الأحزاب الأليفة السخيفة ثلاثين مقعدا أو أربعين معناها أنها انتخابات بقت حرة والبرلمان فلة ؟

هذا استخفاف بالناس لكن تعمل إيه وربنا العظيم من فوق سبع سموات قال لنا أن فرعون استخف قومه فأطاعوه وهذه النطاعة التى يتعامل بها منافقو ومؤيدو ومنتفعو الرئيس فى برامج العاشرة والتاسعة والثامنة ماهى إلا طاعة للفرعون !

أما المأساة فى خطاب الرئيس فتكمن فى قناعته التى يصمم عليها وهى قناعة مضللة ومزورة فى تصوير أن المظاهرات تحولت إلى عصابات نهب وسلب ، فالذى أمر الداخلية وقواتها بالانسحاب هو وزير داخلية مبارك والذى أطلق العصابات والبلطجية والفوضى فى البلد هو وزير داخلية مبارك وهى مسئولية يتحملها مبارك شخصيا ولا يمكن للضمير ولا للتاريخ أن يغفر له هذا الحريق الذى اشعله فى مصر ، قل لى يا سيادة الرئيس ماعلاقة المظاهرات فى ميدان التحرير بانسحاب العساكر والشرطة من مطار القاهرة ؟

هذه خطة تمت بعلمك أو يغير علمك لكن تتحمل مسئوليتها فى الحالتين حين قررت الداخلية بث الفوضى والرعب فى قلوب الناس حتى تضللهم زعما بأن الفوضى سببها المظاهرات ، المجرمون فى وزارتك وحكومتك هم المسئولون عن إلقاء الرعب وبث الفوضى فى الشارع المصرى وكون الرئيس يخرج مصمما بمنتهى الفظاعة تلبيس المظاهرات مسئولية الفوضى فهو ما يؤكد أنه لا أمل فى إصلاح منه وحتى لو أن بعض الناس من شعب القناة الأولى وبرامج العهر الساسى فى قنوات رجال الأعمال صدقوا خرافة أن الفوضى سببها المظاهرات فهذا لا يعنى إلا أن البلهاء لا مكان لهم فى صناعة مستقبل بلادهم !

إن مبارك يقول فى خطابه أنه يريد أن يموت ويدفن فى مصر ولا أجد مانعا واحدا لذلك ، ما علاقة تنحيه بأن يموت خارج مصر أو يدفن فى غير أراضيها ، فليبق فى بلده آمنا مطمئنا مدفونا فيها كرئيس مصرى سابق تنحى عن الحكم ، وكأنه لو تنحى لن يعيش فى بلده ولن يموت فيها ؟ من قال له هذا ، نحن نطمئن سيادته أنه لا يمر على خيال أى معارض أو متظاهر ضده أن يطالب بعدم موته فى مصر أو دفنه فيها ثم إن الأعمار بيد الله ولا شأن لنا بهذا الأمر وأطال الله عمر الرئيس ومتعه بالصحة والعافية بعيدا عن مقعد الرئاسة !

أما أن يعتبر البعض أن تنحى مبارك إهانة له فهذا كلام فارغ يهين الشعب المصرى ويهين الديمقراطية كأن تنفيذ إرادة الشعب إهانة وكأن إستقالة رئيس موضوع يهينه ، بعض المرضى الذين يروجون أن التنحى إهانة لا يتذكرون أن جمال عبدالناصر وهو زعيم جماهيرى حرر مصر من الملكية والاحتلال قرر التنحى بعد هزيمته الساحقة فى سبعة وستين وخرج ببيان تنحى لم يقل بنى آدم فى الدنيا أنه إهانة لعبدالناصر بل كان اعترافا بالمسئولية عن التقصير وقرر فيه أن يعود مواطنا وجنديا إلى صفوف الجماهير لكن الجماهير ذاتها التى خرجت بالملايين تطالب بعدوله عن التنحى رغم انه المهزوم المكسور ، لماذا ؟

لأنها كانت تصدقه أما جماهير مصر الآن فهى لا تصدق مبارك !

شكرا على الموضوع بس لو ما نفزوش اللي قالوا عليه هيثور الشعب عليهم تاني
وربنا يقدم اللي فيه الخير
ونعدي من الاحوال ديه

ارجو لك التميز دائما

على الأقل نصدقه عشان مصر وأمنها و أمانها و حقنا ً لدمائنا و حفاظا ً على هيبة الدولة أمام العالم و هيبتنا

نصدقه حتى لا يستطيع أى عدو الدخول بيننا و تفريقنا .. ودرس يوم 28 يناير كافى جدا

وصدقنى لو الرئيس مبارك سيىء لترك مصر و ترك الحكم

متشكر جدا علي ردك الجميل يا مي
ولكن انتي بخطاب جيد نسيتي ظلم سنين....بكل امانه انتي شوفتي كام خطاب للرئيس وبكل امانه كام خطاب عجبك وكام خطاب الرئيس قال كلام ونفذه؟؟؟...انتي تعيشي في رخاء...لم تري الناس وهو يذهبون كل صباح لكي يشترو الخبز من الفرن البلدي لانه رخيص...لم تذهبي لكي تخلصي اوراق في مصلحة حكومية ولا تجدي اي موظف؟؟..لم يكن راتبك 500 جنيه وتصرفي علي عائله مكونة من عشرة افراد....لم تنتظري الاتوبيس العام وتركبي وتكتشفي ان نص مصر راكبه الاتوبيس؟؟..لم تدخلي قسم شرطة من قبل وتري كيف تكون معاملتهم السيئه اقسم بالله انا كنت بخلص مصلحه جوة قسم الشرطة لولا جبت واسطه كنت اضربت بالجزمة؟؟...

عاوزة تحسي بالظلم

ارجعي الي زمن سيدنا عمرو بن الخطاب واعرفي الزاي بيكون الحاااكم العادل

يروي عن سيدنا عمرو بن الخطاب انه دخل المسجد وقت صلاة الفجر وكان الظلام يحيط بالمكان وكان يوجد شخص نائم علي الارض فدهش عليه سيدنا عمرو فقال له أعميت؟؟؟ فقال له سيدنا عمرو لا

بكل امانة ده لو حسني مبارك ماذا كان يفعل؟؟؟ده لو حسني مبارك بيصلي زي الشعب في مسجد مع الناس عادي...


انا ضد ان يرحل مبارك دلوقتي وعاجبني انه مهربش زي رئيس تونس...بس كفايه بقا ظلم واستبداد وبلاش نقول انه زر ابونا او شعارات ملهاش معني

حسني بقاله 30 سنه حاكم مصر عمل ايه فيهم كفايه غفلة؟؟؟

الحاجة الوحيدة الي عملها انه ساب مصر تولع وبعد اول يومين قال خطاب ملوش اي معني غير ان الشباب ولعت في مصر


بزمتك لو كان قال خطاب زي اخر خطاب من اول يوم كان ده حصل؟؟؟


والله انا حزين علي شعب مصر....وبشكر الرئيس السلبي حسني مبارك انه مهربش واول مرة يطلع راجل بس ياريته كان طلع راجل من زمان



وعفوا علي الرد بتاعي ده بس يا مي انتي ما اتغربتيش زي ومتعرفيش انك ملكيش قيمه غير في بلدك تخيلي ان كمان البلد ولعت وحته بلدك مبقاش ليكي قيمة فيها.......

ان ابوس تراب مصر وهي دي البلد الوحيد الي ليا كرامة فيها ولكن حسني مبارك ده عمره ما يكون ابويا لكن ابويا عمره ما يكون فاسد زي الراجل ده...ولو ابويا فاسد مش مشكله لانه هياثر عليا انا لوحدي لكن لما يكون هيأثر علي شعب كامل تبقا مصيبة؟؟؟؟..
مين الي اختار الحكومة دي؟؟؟؟ومين وافق عليها؟؟؟؟ ...وليه هو وافق عليها طالما هي فاسدة؟؟؟....اساله كتير اوي ؟؟؟...كل سنه عن التانيه الاقتصاد بيخرب...عاوزة تقنعيني ان حسني مبارك استلم مصر كده؟؟؟؟...وبعدين كل واحد مسئول عن رعيته ؟؟؟بالله عليكي امته حسني حته شال همنا؟؟؟...وبعدين لو مش احنا حسبناه الي هو الشعب امال مين الي هيحسبه؟؟؟..
تفتكري ربنا راضي عنه؟؟؟تفتكري لو ربنا راضي عن هذا الفاسد كان هتبقا نهايته كده؟؟
ده ظلم سنين؟؟؟؟وده شعب تعب وربنا؟؟؟..احنا عايشين بجد في رخاء...الشعب فاض بيه...مش قادر حته يستحمل كام شهر
عارفه انا من اكتر الناس الي بقول نستني السبع شهور دول لحد ما يمشي ومصر تستقل وبنادي بده ده علشان انا مش امعه معاهم معاهم عليهم عليهم ....ده علشان مصلحة مصر....وكمان علشان الناس الي بتموت دي حراااااااااااااااااااااااااام....لكن وبكل صراحة مبارك ده فاااسد رغم اني مش عاوزة يمشي غير لما مصر تستقر.....

كلنا عارفين الفساد وحاجات نعرفها و فيه حاجات لأ

واحنا متفقين مع بعض فى نقاط كتير .. لكن فى المرحلة اللى احنا فيها دى

لازم يكون لك دور ايجابى .. و ايجابيتك فى نار الفتنة الآن المشتعله جدا جدا .. واللى هاتكلنا كلنا

انك ماتزودهاش .. هدى النار

انت دلوقت بتزود النار بالبنزين .. اللى قربت تدمرنا كلنا

اتمنى انى تكون الرسالة وصلتك

يارب يا احمد تكون هديت
يارب ترجع لعقلك قبل ما الدنيا تبوظ
احنا محتاجين المثقفين لان ليهم دور كبير فى التوعيه
انت ليك دور توعى وتنصح الشباب الان
افهم عشان خاطرى

a.kandil كتب:

حراااااااااااااااااااااااااام....لكن وبكل صراحة مبارك ده فاااسد رغم اني مش عاوزة يمشي غير لما مصر تستقر....."

ده اخر كام سطر في كلامي...بلاش ياجماعه تخدو نص الكلام وتسيبو بقيت الكلام....كده مش حلو

لأ طبعا .. أنا بقرأ كلامك من أول حرف لآخر حرف

بدليل كم البنزين اللى اول الموضوع و آخر سطر الختامى

احنا موش اخدنا نص وسيبنا نص
احنا بنحاول نفهمك ان فى نص كان لازم يكون افضل من كده
لمصلحة البلد عشان النصين يكونوا زى بعض
احنا موش بنحجر على راى ولا فكر حد
بس لازم نكون ايد واحدة
انت تعرف كلامك ده لو حد قراه
يقدر يستغلنا بسهوله كشباب ويهز قوتنا ويضربنا بجد
لكن لو كلامنا واحد وارادتنا واحدة
وشعارنا واحد
صعب ان حد يفرقنا
كلنا بنحب مصر وكلنا عاوز المصلحة لكن من وجهة نظره هو
ممكن كلنا نكون وجهة نظر واحدة لكن بطريقه مختلفه

والله كلنا فاهمين و عارفين و شايفين و حاسين

س صدقنى و الله مش وقته خالص اننا نفترق و نولع نار الفتنه

لأنى ورانا اعداء كتير متربصة و قربت اوى مننا

اتمنى تقدير ذلك

كفاية قطر اللى مننا وانها دلوة عربيه
اتفضحت امام العالم كله
حتى العرب شماتنين يا احمد
بلدنا دلوقتى امانه يا نحافظ عليها
يا نسأل عنها يوم القيامة

والله اذا كنتم خايفين اوي علي بلدكم ...ايه دوركم؟؟؟..الشيخ محمد حسان ان شوفتو علي قناة العربية نزل المظاهرة علشان يحث الشباب علي عدم التخريب...واحنا هنا كلنا في المساجد بنصلي وندعي لمصر وبنصلي في الحرم...
طيب ده بند...البند التاني لو انتم داخلين علي النت علشان تحثو الناس انها ترجع انا ما شوفتش لحد اللحظة دي موضوع واحد منكم انا مش بقصدكم انتم بالذات انا بتكلم علي باقي المنتدي علي الاقل انتم بتردو علي اي موضوع بيتكتب وانا شوفت ده مع اني جديد في المنتدي لكن باقي الناس بتشوف وما بتكتبش اي حاجة؟؟؟؟
وكلامي ده انا كتبته من وجهة نظري ...فلي راي ولكم اراء....وبالعكي رايكم انا استفدت منه جدا ما عدا حاجة واحدة بس ما ينفعش نكدب الحقايق بمعني مع ينفعش نقول حسني مبارك ده زي بابا وهو الي بيراعانا دي تكدبيب للحقايق بس ممكن نقول انه راجل انه ما سبناش وهرب زي بقيت الناس....ونقدر نقول انه لولاه كانت امريكا دخلت فهو راجل...بس ما ينفعش نقول هو الي عامل استقرار في البلد....يا جماعه ما ينفعش نقول كلام مش حقيقي
كل البلاد بتكره مصر ...وكل القنوات وخصوصا قناة الجزيرة القذرة...
ده لازم نقوله للناس احنا شعب مثقف مش جاهل
متزعلوش من كلامي بس بصراحة اكتر حاجة بتدايقني اني اشوف حد سلبي او كلام زي بتاع التلفزيون المصري الذي من وجهه نظري اعلام كااااذب...وفقد مصداقيته...بلاش نفقد احنا كمان مصداقيتنا لان لو فقدنا مصدقيتنا يبقا ان شاء الله الرئيس الجديد هيتبع نفس النظام واحنا هنصقف له ونقول اصل الحكومة الوحشة هي الي بقتوله اخبار غلط وانا الرئيس طول النهار برة ولما بيروح الحكومة بتكدب عليه .....وسعتها هحس اني بتفرج علي فيلم "طباخ الريس"
اسف يا جماعه علي كلامي ده بس والله انا واحد من الي اتظلموا بسبب الرئيس ده غربه وبهدله وقله قيمة وشباب كتير زي نفسي اعرف امته هيجي عصر الرخاء ......

ان شاء الله قريب هيجى عصر الرخاء .. ومفيش زعل ولا حاجه

وانا سعيد بمشاركتك و تفاعلك معانا .. وعموما ربنا يعدى الايام دى على خير

ربنا يعدى الايام دى على خير
ربنا يهدى الجميع
ويصلح حال البلد

ع فكره كلامكو حلو جدا واكيد انا متفقه معاكو فيه كله بس مش وقته خالص صدقنى يا استاذ

احمد وقت الحساب

اكيد كلنا عارفين مدى فساد ذلك النظام ومدى معانات هذا الشعب طوال السنين الى فاتت

والى يقول غير كده يبقى بيكمل هذه الدائره الفاسده ولا يستحق ان يكون بيننا اليوم ....

ولكن لا نريد ان نلقى البنزين ع النار ... صدقنى فى ناس ممكن تتاثر بكلامك ده ونصبح

متفرقين تاركين بييننا مسافات وفراغات تتستوعب كل من هو حاقد وجاحد ع هذه البلد


وانا لست مع مؤيدى ولا معارضى مبارك انا مع استقرار هذه البلد وانتقال السلطه السلميه

حتى لو كان مبارك فاسد و....و....و....

ولن يضحى ويرحل الان حتى تتوقف حمامات الدم فى ميدان التحرير

لن تستحق هذه البلد منا ان نضحى نحن بهذا المطلب من اجل مستقبل افضل واستقرار البلد

اعتقد ان الجميع يجب ان يغمض عينيه الان عن كل شىء حدث خلال هذه السنين الى فاتت

حرصا ع مستقبلنا ومستقبل هذه البلد ......

وهعتقد ان كل الى هينزل بكره سواء مؤيدين او معارضين يبقوا عايزين يخربوا البلد

{وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ
نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ
قُلُوبِكُمْ فَأَصْبَحْتُم بِنِعْمَتِهِإِخْوَاناً وَكُنتُمْ عَلَىَ شَفَا
حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ
لَكُمْ آيَاتِهِ لَعَلَّكُمْ تَهْتَدُونَ

ولايجب ان ننظر من يحكمنا ولكن يجب ان ننظر بماذا نحكم؟؟؟؟

ندعو الله ان يخرجنا من هذه الايام ومن داخل ذلك النفق المظلم والمليء بالحواجز ع خير وربنا يهدى الجميع

بجد يا استاذ مصطفي عاجبني كلامك جداااااااااااااااا وبجد بشكرك جدا علي كلامك ده ....
وبردو كلامك مقنع جدا يا no name
انا علي فكرة اقول وبكل صدق في الوقت الحالي نعم لمبارك لمصلحة مصر فقط....وليس للشخص نفسه..ولكن اريد نكون ليسوا بالسلبيين الذي يصفقون لمجرد التصفقيق....
ادعو الله ان يحفظ مصر وان يعزها وان ينصرنا علي القوم الظالمين...ادعو الله تعالي ان تكون هذه هي نهاية الفساد ...وان يجعل هذا اليوم اوله خير واخره خير ...وادعو كل شباب المسلمين ان لا يحترقو بنار القتنه وكفانا خراب في بلدنا مصر...وان يرجعو من ميدان التحرير وان نعطي فرصه حقيقيه للتغيير ....
واشكركم بجد علي ردودكم المقنعه ....وارجو التميز دائما