كش ملك فى منتدى حراء

بسم الله الرحمن الرحيم

فكرة اللعبة

هى فقرات هيواجهم الضيف

الفقرة الاولى : هى عرفنا بنفسك من خلال صور تعبيرية خلال اجاباتك على الاسئلة الى هتواجها
وهتكون فقرة بسيطة وخفيفة

الفقرة التانية : فقرة اعترف وهيكون فيها كلام مع الصور
الى هتجاوب بيها على الاسئلة

الفقرة الثالثة : والاخيرة وهى اصعب فقرة
وهى فقرة كش مللك وهتكون فقرة اجابتها بالصور الحقيقية للضيف مع الكلام

وليضيف حق الفيتو على 3 اسئلة
غير كده لازم يجاوب
عايز منكم مشاركتكم علشان هاتكون حلوة
قولوا رايكم علشان اقول اول ضيف

حلوه جدا ع فكره يا زياد عجبانى لانى اساسا بحب برنامج كش ملك هى تقريبا نفس الفكره
بس انت بس الى هتسال ولا اى حد

جامده الفكره يا زياد بس طبعا انا مش اول واحده

انا موش عارفه الموضوع اوى
بس ممكن تجربوا الفكرة فى اى حد مع الشرح
لانى موش واخده بالى اوى
واضح انه برنامج او حاجه وانتوا عارفينه

كش ملك
واول ضيف

استاذ مؤمن

لو جاهز حضرتك رد على الموضوع وقول جاهز

وعلشان استاذ مؤمن ماردش وقال مستعد نغير العضو

والعضو التالى هو ميس مى

لو مستعدة قولى اوك

انا جيت
عاوزين منى ايه
لو فلوس موش بدفع

هاه مستعدة ولا ايه

انجز بقا
قولت مستعده

وضيف حلقتنا الاولى
هو عضو جميل ونشيط وهو miss mai
نائـبـة الادارة العليا
كش ملك فى منتدى حراء WeJ71053

ونبدا معاكى واول فقرة ويارب تكون جاهزة
وهى فقرة عرفنيا بنفسك بالصور والكلام
واول سؤال

1: اسمك اية؟
حط صورة رمزية تعبر عن شخصيتك

2:عندك كام سنة؟

3:ما هو مشروبك المفضل؟

4:ماهى اكلتك المفضلة؟

5: ماهو لونك المفضل؟

6:ماهى نظرتك للمستقبل؟ حط صورة تعبر عن المستقبل فى نظرك وممكن تكتب جمب الصورة وجهت نظرك

7:ماهو نوع سيارة احلامك ؟

8: كيف يبدو بيتك الذى تريد ان تمتليكية فى يوما ما فى المستقبل؟

9:بوجه عام ماهو الحب فى نظرك؟ حط صورة تعبيرية لانطباعك عن الحب وتأثيرو عليك
10: بوجه عام بردو ماههى الصداقة فى نظرك وماذا تعنى للك:
حط صورة تعبر عن ذللك وممكن توضح بالكلام ايضا وجة نظرك

انتهت اول فقرة وفى انتظار ردوديك يا ميس مى
وانا هروح فاصل وارجع اكمل معاكى باقى الفقرات بعد ردوديك
على اسئلة اول فقرة

شكرا زيزو على كلامك الرقيق ده

بالنسبه لاسمى انت طبعا عارفه بالكامل
اسمى ميس مى

لو عاوز صورة تعبر عنى

كش ملك فى منتدى حراء 2089b514ec

سنى 25 سنه

مشروبى المفضل كابوتشينو

أكلتى المفضله سباجتى مارينار

لونى المفضل الاخضر

المستقبل بالنسبة لى هو ده

كش ملك فى منتدى حراء Domain-f784c02df4

السيارة بتاعتى لازم تكون بجناحات
عشاناعرف اخلع فى اى وقت ولو البنزين خلص
لازم اطير موش لسه ادور على ميكانيكى

بيتى فى المستقبل ممكن يكون فى مكان بعييييييييييييييييييييييد اوى عن الناس
فى مكان هادئ وكله سلام نفسى

الحب بصفه عامة لا يمكن ان نصفه بكلمات عاديه
فهو احساس يغزو القلبين وليس له نهايه ويصعب وضع له نهايه
وان قولنا نهاية الحب الزواج فهذا خطأ لان هذا شئ وذلك شئ اخر
لكن الصفه الوحيده الملازمه للحب الالم والفراق

كش ملك فى منتدى حراء Mk6097_02

اللى يتقال عن الصداقه كتير
لكن اان بالنسبه لى الصداقه صدق مع النفس قبل الغير
والصديق يجب ان يضحى الى اقصى درجه ولا يبخل على صديقه
باى شئ مهما كان

كش ملك فى منتدى حراء Friend24

دى اجابة اسئلتك ومستنيه ابقاى سريعا
شكرا يا زيزو

miss mai كتب:: شكرا زيزو على كلامك الرقيق ده

بالنسبه لاسمى انت طبعا عارفه بالكامل
اسمى ميس مى

لو عاوز صورة تعبر عنى

سنى 25 سنه

مشروبى المفضل كابوتشينو

أكلتى المفضله سباجتى مارينار

لونى المفضل الاخضر

المستقبل بالنسبة لى هو ده

السيارة بتاعتى لازم تكون بجناحات
عشاناعرف اخلع فى اى وقت ولو البنزين خلص
لازم اطير موش لسه ادور على ميكانيكى

بيتى فى المستقبل ممكن يكون فى مكان بعييييييييييييييييييييييد اوى عن الناس
فى مكان هادئ وكله سلام نفسى

الحب بصفه عامة لا يمكن ان نصفه بكلمات عاديه
فهو احساس يغزو القلبين وليس له نهايه ويصعب وضع له نهايه
وان قولنا نهاية الحب الزواج فهذا خطأ لان هذا شئ وذلك شئ اخر
لكن الصفه الوحيده الملازمه للحب الالم والفراق

اللى يتقال عن الصداقه كتير
لكن اان بالنسبه لى الصداقه صدق مع النفس قبل الغير
والصديق يجب ان يضحى الى اقصى درجه ولا يبخل على صديقه
باى شئ مهما كان

دى اجابة اسئلتك ومستنيه ابقاى سريعا
شكرا يا زيزو

اجاباتك كانت جميلة ومتميزة ياميس مى وعديتى الفقرة الاولى بنجاح
تصبحى عى خير ويارب تكونى مستعدة للفقرة الثانية

انا مستنيه يا زيزو الفقرة التانيه بفارغ الصبر

يلا اجهزى يا ميس علشان الفقرة التانية

لعبة تحفة يا زياد
وفكرة جميلة اوي

انا جاهزة فى اى وقت يا زيزو

اللعبه شكلها حلو اوى يا زياد
وعيزاك تتوصى بمس مى ع الاخر

استاذة مى معانا ولا ايه
علشان الفقرة التانية

موجودة يا مان

انا مش مان انا راجل دة اولا

الفقرة التانية

1-بتدى دروس خصوصية ؟
2-لو انت بتدى بتدى كام مجموعة والمجموعة بتتكون من كام فرد؟
3-لوبتدى دروس حاسة انى انت بتعملى فى الدرس زى مايتعملى فى المدرسة؟
4-بتغيبى كتير من المدرسة كمدرسة؟
5-متأخرة فى المنهج؟
6-حاسة انى انت صح لما دخلتى ?english
7-امتى مابتعرفيش تشتغلى بمزاج؟
8-حاسة ان حد زعلان منك من الطلبة من اى حد؟
9-اكتر مكان بترتاحى فيه وبتنسى كل همومك فيه؟
10-مين اكتر شخص بترتاحيله فى الكلام وبتفضفضيله؟
11-هدية تتمنى ان حد يجباهلك فى يوم؟
12-راضية عن نفسك؟

ولك الحق فى عدم الاجابة على سوالين فى المسابقة كلها

MATRIX كتب:: انا مش مان انا راجل دة اولا

الفقرة التانية

1-بتدى دروس خصوصية ؟
2-لو انت بتدى بتدى كام مجموعة والمجموعة بتتكون من كام فرد؟
3-لوبتدى دروس حاسة انى انت بتعملى فى الدرس زى مايتعملى فى المدرسة؟
4-بتغيبى كتير من المدرسة كمدرسة؟
5-متأخرة فى المنهج؟
6-حاسة انى انت صح لما دخلتى ?english
7-امتى مابتعرفيش تشتغلى بمزاج؟
8-حاسة ان حد زعلان منك من الطلبة من اى حد؟
9-اكتر مكان بترتاحى فيه وبتنسى كل همومك فيه؟
10-مين اكتر شخص بترتاحيله فى الكلام وبتفضفضيله؟
11-هدية تتمنى ان حد يجباهلك فى يوم؟
12-راضية عن نفسك؟

ولك الحق فى عدم الاجابة على سوالين فى المسابقة كلها

اولا انت راجل وسيد الرجاله
ثانيا ايه جو الضرايب اللى انت معيشنى فيه ده
وثالثا انت كريم جدا سؤالين بحالهم ياراجل فى المسابقه كلها!

1- أيوة بدى دروس

2-موش عارفه كام مجموعه بس المهم هى موش بتزيد عن 5 طلبه

3-والله فى المدرسه بيكون فى فرصه اكبر للشرح والمناقشه لكن الدرس فرصته اكبر فى حل الاسئله والتمارين والمراجعه. فاعتقد ان الاتنين زى بعض ده لو ماكنش المدرسه افضل لانها اكتر فى عدد الحصص..
وبعدين انت تحكم..

4-الى حد ما بغيب بس موش شايفه انى بغيب كتير

5- لا موش متأخرة خالص فى المنهج بالعكس كلها حصه او اتنين واخلص المناهج

6-اه طبعا صح لانى دخلتها عن حب واقتناع وكنت بحارب ناس كتير اوى كانت عاوزة تبعدنى عن اللغه اساسا

7-موش بعرف استغل بمزاج لما بيكون عندى حصه واحده فى فصل معين لكن لو حصتين بيكونوا كويسين اوى

8-اه حاسه طبعا ان فى حد زعلان منى من الطلبه لان احيانا بشد عليهم اوى وانت واحد منهم لكن طبعا فيهم اللى فاهم انه لمصلحتهم وفيهم اللى موش متقبل الموضوع اصلا لكن بالنهايه لازم اراضى الكل وموش بزعل حد

9-أكتر مكان ارتاح فيه وبنسى فيه همومى وبنسى اى حاجه وبكون منفصله عن العالن تماما وانا فيه هو المنتدى اصلا الوقت اللى بكون فيه هنا ويحصل اى حاحة جنبى حتى لو البيت ولع موش بسيب المنتدى الا فى حالة المرض

10-أكتر شخص ارتاح معاه فى الكلام وافضفض معاه هم شخصين
مؤمن داخل المنتدى وخطيبى خارج المنتدى

11- موش عارفه بجد ايه الهديه اللى نفسى فيها لكن عموما انا برضى بأى حاجه

12-الحمد لله انا راضيه عن نفسى فى كل شئ الى حد ما وغير راضه عن نفسى فى الاجتماعيات فقط لان دى اكتر حاجه انا مقصرة فيها

يارب اكون قدرت ارد على اسئلتك كلها
شكرا ماتريكس

لقد اجابت ميس مى عن الاسئلة بشكل متميز
ميس مى انتقلت الى المرحلة الثالثة ولم تحذف اى سؤال
شكرا ميس مى وكونى فى استعداد على الفقرة الثالثة

انا مستعده فى اى وقت

ودلوقتى جه معاد اخر فقرة فى البرنامج ياميس مى وهى فقرة كش مللك
وزى ما انتى عارفة ان لازم تكون اجااباتك صريحة
وعايز افكرك ان ليكى حق التفويت على 3 اسئلة فقط لاغير فى الفقرة دى غير كده انت مضطر تجاوب
ونبدا

1- ماهو نوع موبايلك ونزلى صورتو ؟

2 - احلى صورة انت صورتهيا لمين وفين وممكن توريهالنا؟

3-انت ساكنة فين ياميس وممكن تورينا اكتر حاجة بتحبهيا فى اوضتك ؟

4-هدية غالية عليكى جدا جتلك من حد عزيز
عليكى هى ايه ومن مين وممكن توريهالنا؟

5-اكتر شخص بتحبيه ف المنتدى هنا ؟ مين
نزلى صورتو الرمزية واكتبى اسمو

6-اخر رحلة طلعتيها ليك كانت فين ومع مين وممكن تورينا صورة صورتها فى الرحلة دى؟

7-صورة على موبايللك مش ممكن تمسحيها مها حصل؟صورة مين وممكن توريهالنا

8-عضو هنا فالمنتدى بتعتبرية صديق حقيقى ليك؟
مين نزلى صورتو الرمزية واسمو

9 -عضوة هنا فالمنتدى بتقدريها وبتتمنيلهاكل خير؟ نزلى صورتها الرمزية واكتبى اسمها

10-عضو او عضوة اتخنقتى منة او حصل بينك وبينو سوء تفاهم؟
مين ده نزلى صورتو الرمزية واكتبى اسمة

فى نهاية الحلقة ياميس مى تحبى تقولى ايه لكل الاعضاء الى شافوها
وتحب توجهى رسالة خاصة لمن سواء فالمنتدى او برة المنتدى

وبجد انا كنت سعيد جدا انك كنت اول ضيف معايا ويارب مكنش محاور رخم وتقلت عليكى شوية

ملحوظة ياميس ممكن تجاوبى من غير صور لو دة اللى مضايقك